msg1 msg2 msg3
Nazioarteko Jarduera
Nazioarteko alorrean, Ogasun eta Administrazio Publikoen Ministerioaren funtzioak honako oinarrizko ardatzen inguruan antolatzen dira:
Zergen alorrean, bereziki garrantzitsuak dira ezarpen bikoitza saihesteko hitzarmenak, kanpoko inbertsioak sustatzeko oinarrizko tresnak baitira, inbertitzaileei segurtasun juridikoa ematen dietelako eta inbertsio horien zerga-karga murrizten dutelako; estatuen zerga-administrazioen artean informazioa partekatzeko akordioak, iruzurra eta zerga-saihestea ekiditeko elementu garrantzitsuak baitira, eta ez-egoiliarren inguruko araudia.
- Ezarpen bikoitzaren inguruko hitzarmenak
- Informazioa partekatzeko akordioak
- Zerga Administrazioko Estatu Agentziaren (AEAT) informazioa
Bestalde, Ogasun eta Administrazio Publikoen Ministerioak Finantza Kontseilaritza sare bat dauka atzerrian, Idazkariordetzari atxikita dagoena Idazkaritza Nagusi Teknikoaren bitartez, eta kontseilaritza horien funtzioak dira, nagusiki, aholkularitza eta laguntza teknikoa eskaintzea eta buruzagitzari eta gainontzeko ordezkaritza diplomatikoko organoei sostengua ematea zergen eta aduanen alorrean, eta baita aurrekontuen eta kontabilitate publikoaren alorrean ere.
Sare honen barne daude bai Finantza Kontseilaritzak, bai eta nazioarteko erakundeetako Ordezkaritza Iraunkorretan dauden Finantza Kontseilarien postuak ere otsailaren 18ko 240/2000 Errege Dekretua;
abenduaren 28ko 1771/2007 Errege Dekretua, irailaren 5eko 747/2014 Errege Dekretua eta
60/2022 Errege Dekretua, urtarrilaren 25ekoa
Azkenik, Ministerioaren nazioarteko jardueren barnean, nabarmentzekoa da hainbat nazioarteko erakundetan burutzen duen lana (Aduanen Nazioarteko Erakundea, Zerga Administrazioen Zentro Interamerikarra, Lankidetza eta Garapen Ekonomikorako Erakundea, Europako Kontseilua), eta baita nazioarteko foroetan izaten duen parte-hartzea, esaterako, Katastroen Foro Iberoamerikarra eta Kontabilitate Publikoaren Foro Iberoamerikarra.
Informazio gehiago:
Banner nabarmenduak
Enlaces a información destacada del Ministerio de Hacienda
